حسابي مخترق ام لا..؟؟
في اول تدوينة ليا حابب اعرفكم ازاي نعرف ان كان حسابنا علي الفيس بوك مخترق او حد بيدخل عليه وازاي تامنه كويس تابعو معايا ..
.....اولا :ازاي اعرف ان كان حسابي مخترق ولا لا
- لو لقيت الاشعارات اتقرت وانت مش فاكر انك فتحتها
- حد من اصحابك قالك انك اونلاين وانت مش فاتح النت اصلا او انك قريت رسالته ومش بترد
اول حاجه هاتفتح الاعدادات
وبعدين
لو لقيت تليفون غريب او نظام تشغيل غريب كده يبقي حد بيسجل دخول لحسابك
وممكن كمان تعرف هو بيدخول وبيسجل خروج امتي وكمان عمل ايه علي صفحتك
ثانيا : لو لقيت اعمل ايه ....
- اول حاجه لازمه تعمله تتاكد من ان البريد اللي رابط بيه الفيس او رقم الموبيل معاك وتقدر توصلهم
- وبعدين تغير كلمه السر وتعملها خليط من الارقام والكلمات
- وتسجل خروج من كل الجلسات النشطه زي اللي في الصوره دي
- تأمين الحساب
- في اكتر من طريقه بس اقواهم انك تفعل خاصيه المصادقة الثنائية
- وتاكده
- واخر حاجه لو حصل اي مشكله واتسرق منك تاني او نست كلمه المرور فاتامنه من دلوقت بتفعيل جهات الاتصال الموثوق بها
- وهي انك تختار تلت اصدقاء انت عارفهم كويس وتقدر تتواصل معاهم فالو حصل اي حاجه لحسابك انت بتطلب منهم المساعده وتدخل تلت اكواد وبتقدر ساعتها تفتح حسابك مرة تاني بكل سهوله
- اتمني اكون افدتكم ولو في اي اسئله انا مغطيتهاش كويس اتواصل معايا وياذن الله اقدر افيد وارجو التقييم لتحسين المحتوي وطريقه العرض .
